Wednesday, January 20, 2021
Home Business વડોદરામાં શુભ-અશુભ પ્રસંગોમાં મ્યુઝિક સિસ્ટમ વગાડવાની મંજૂરી આપવા કલાકારોની માંગ

વડોદરામાં શુભ-અશુભ પ્રસંગોમાં મ્યુઝિક સિસ્ટમ વગાડવાની મંજૂરી આપવા કલાકારોની માંગ

કોરોનાની મહામારીમાં કલાકારોની હાલત દયનીય બની ગઇ છે. અનલોક-૫માં શુભ-અશુભ પ્રસંગોને કોવિડ-૧૯ની ગાઇડલાઇનના પાલન કરવાની શરતે છૂટ આપવામાં આવી છે, પરતું, શુભ-અશુભ પ્રસંગોમાં અવિભાજ્ય અંગ ગણાતા કલાકારોને છૂટ આપવામાં ન આવતા કલાકારોએ ગાધીનગર ગૃહ ખાતે ધરણાં-પ્રદર્શન કર્યું હતું અને શુભ-અશુભ પ્રસંગોમાં કલાકારોને છૂટ આપવા સરકાર સમક્ષ માંગણી કરી હતી.

સાઉન્ડ સિસ્ટમના સંચાલક ભાવેશભાઇ પટેલે જણાવ્યું હતું કે, કોરોનાની મહામારીને અંકુશમાં લેવા માટે લોકડાઉન કરવામાં આવ્યું હતું. દરમિયાન સરકાર દ્વારા તબક્કાવાર લોકડાઉન ખોલવામાં આવી રહૃાું છે.

અનલોક-૫માં મોટા ભાગના નાના-મોટા વ્યવસાને છૂટ આપી દેવામાં આવી છે. લગ્ન-મરણ જેવા શુભ-અશુભ પ્રસંગોમાં ૨૦૦ વ્યક્તિઓની મર્યાદામાં છૂટ આપવામાં આવી છે. પરંતુ, શુભ-અશુભ પ્રસંગોમાં મ્યુઝિક સિસ્ટમ વગાડવા ઉપર પ્રતિબંધ છે. સરકારની આ બેવડી નીતિ સામે અમારે ન છૂટકે અમારે ગાંધી ચિધ્યા માર્ગે આંદોલનનો માર્ગ અપનાવવાની ફરજ પડી છે. જાણીતા સિગર અને આર.એસ.પી.ના અગ્રણી વત્સલા પાટીલે જણાવ્યું હતું કે, કોરોના કાળમાં અન્ય લોકોની જેમ સિંગર અને મ્યુઝિશિયનની હાલત કફોડી બની ગઇ છે.

પ્રશ્ર્ન એ છે કે, જો લગ્ન પ્રસગોમાં ૨૦૦ વ્યક્તિઓને છૂટ આપવામાં આવતી હોય તો પછી કલાકારોને કેમ આપવામાં આવતી નથી. શું કલાકારોને છૂટ આપવામાં આવશે તો કોરોના ફેલાશે તેવો વેધક સવાલ ઉઠાવ્યો હતો. અમારી માંગણી છે કે, સરકાર જો શુભ-અશુભ પ્રસંગોને છૂટ આપતી હોય તો આ પ્રસંગો સાથે સંલગ્ન સિંગર, મ્યુઝિશિયન સહિત અન્ય કલાકારોને પણ છૂટ આપવામાં આવે. કલાકારોને વ્યવસાય કરવાની છૂટ આપવાની માંગ સાથે વડોદરા શહેરના ગાધીનગર ગૃહ ખાતે ૨૦૦થી વધુ કલાકારો એકત્ર થયા હતા અને પોતાની માંગ સાથે સૂત્રોચ્ચાર કરીને દેખાવો કર્યાં હતા.

LEAVE A REPLY

Please enter your comment!
Please enter your name here

- Advertisment -

Most Popular

હાઇકોર્ટમાં અરજી સાથે માંગ: સ્થા.સ્વરાજ્યની ચૂંટણી બુલેટ પેપરથી કરાવવામાં આવે

VVPAT મશીનની ગેરહાજરીમાં રાજ્યનો ચૂંટણી પંચ સ્થાનિક સ્વરાજ ની ચૂંટણી બેલેટ પેપરથી યોજવા મુદ્દે જાહેરાત કરે તેવી માંગ સાથે ગુજરાત હાઈકોર્ટમાં જાહેરહિતની...

રાજકોટમાં સરકારી જમીનનાં બોગસ ડોક્યુમેન્ટ બનાવીને વેંચી દેનાર બે શખ્સો ઝડપાયા

રાજકોટમાં સરકારી જમીન બોગસ ડોક્યુમેન્ટના આધારે વેંચી દેવાનું કૌંભાડ સામે આવ્યું છે. મોટા મવાની ૫ એકર અને ૯ ગુંઠા સરકારી જમીનનાં બોગસ...

મુંબઇમાં નવજાત શિશુઓનું ખરીદ-વેચાણ કરતી ગેંગનો પર્દાફાશ, કુલ ૯ની ધરપકડ

ગેંગમાં ડોક્ટર, નર્સ, લેબ ટેકનિશયન સામેલ ક્રાઇમ બ્રાન્ચ એ મુંબઇમા નવજાત શિશુઓનું ખરીદ-વેચાણ કરવાનો કાળો ધંધો કરતી ગેંગનો...

૨૧મીએ મુખ્યમંત્રી હોમટાઉન જશે અને કોંગ્રેસને આપશે ઝટકો

ફેબ્રુઆરી મહિનામાં ચૂંટણી યોજાવાની સંભાવના સ્થાનિક સ્વરાજ્યની ચૂંટણી પહેલા ભાજપનું મોટુ ઓપરેશન પાર પાડવા ખુદ સીએમ રૂપાણી હોમટાઉન...

Recent Comments

× Get Now Free E-Newspaper.