Wednesday, January 20, 2021
Home Business કમોસમી વરસાદ અને સંગ્રહખોરીના કારણે ડુંગળી-બટેટાના ભાવમાં ઉછાળો

કમોસમી વરસાદ અને સંગ્રહખોરીના કારણે ડુંગળી-બટેટાના ભાવમાં ઉછાળો

શાકભાજીના ભાવ કાબૂમાં આવ્યા બાદ હવે બટેટા અને ડુંગળીના ભાવમાં તેજી જોવા મળી રહી છે. ભારે વરસાદને કારણે બટેટા અને ડુંગળીનો પાક નિષ્ફળ ગયો છે. બીજી તરફ મોટા વેપારીઓની સંગ્રહખોરીના કારણે બટેટા અને ડુંગળીના ભાવમાં વધારો થયો છે. ઓછી આવકમાં ડિમાન્ડ નીકળતા બટેટા અને ડુંગળીના ભાવ કિલોના રૂ. ૫૦થી લઇને રૂ. ૮૦ સુધીના થયા છે. હાલ સફરજનના ભાવે ડુંગળી વેચાય રહી છે. જેથી ગૃહિણીઓનું બજેટ ખોરવાયું છે. મુંબઈ, દિલ્હીમાં ડિમાન્ડ વધારે હોવાથી ગુજરાતમાં આવક ઓછી છે. સામાન્ય દિવસોમાં રાજકોટના જૂના યાર્ડમાં બટેટાની આવક ૧૫થી ૨૦ ગાડીની થાય છે,

પરંતુ અત્યારે આ આવક માત્ર ૧૦ ગાડીની જ છે. તેવી જ રીતે ડુંગળીની આવક અત્યારે માત્ર ૩૦૦૦ કટ્ટાની છે. જૂના યાર્ડમાં હરાજીમાં બટેટાનો ભાવ રૂ.૪૦૦-૬૭૦ ઉપજ્યો હતો અને ડુંગળીનો ભાવ રૂ. ૬૫૦-૧૨૫૦ બોલાયો હતો. હોટેલ રેસ્ટોરન્ટ શરૂ થતા ડિમાન્ડ પહેલા કરતા વધુ નીકળી છે. ડુંગળી-બટાટાના વેપારીએ જણાવ્યું હતું કે પહેલા બટેટાના ભાવ ૩૦-૪૦ રૂપિયા હતા, પણ હવે ૫૦ રૂપિયા થઈ ગયા છે. માલની આવક ઘટી જતા ભાવમાં વધારો થયો છે. વધુ વરસાદ પડતા માલ બગડી ગયો છે.

જેથી ડુંગળી અને બટેટાના ભાવમાં વધારો થયો છે. એક મહિનામાં ભાવ સરખો થઈ જશે. અત્યારે બટેટાના કિલોના ભાવ ૫૦ રૂપિયા છે. જ્યારે ડુંગળી અત્યારે ૧૦૦ રૂપિયાની કિલો છે. જેથી ગૃહિણીનું બજેટ ખોરવાય ગયું છે. અત્યારે ડુંગળી અને બટાટાનો ભાવ ઊંચો છે. નાસિકની ડુંગળી આ વખતે એક મહિનો મોડી છે. નવી ડુંગળી અને નવા બટેટાની આવક શરૂ નહીં થાય ત્યા સુધી આ ભાવ રહેશે.

LEAVE A REPLY

Please enter your comment!
Please enter your name here

- Advertisment -

Most Popular

હાઇકોર્ટમાં અરજી સાથે માંગ: સ્થા.સ્વરાજ્યની ચૂંટણી બુલેટ પેપરથી કરાવવામાં આવે

VVPAT મશીનની ગેરહાજરીમાં રાજ્યનો ચૂંટણી પંચ સ્થાનિક સ્વરાજ ની ચૂંટણી બેલેટ પેપરથી યોજવા મુદ્દે જાહેરાત કરે તેવી માંગ સાથે ગુજરાત હાઈકોર્ટમાં જાહેરહિતની...

રાજકોટમાં સરકારી જમીનનાં બોગસ ડોક્યુમેન્ટ બનાવીને વેંચી દેનાર બે શખ્સો ઝડપાયા

રાજકોટમાં સરકારી જમીન બોગસ ડોક્યુમેન્ટના આધારે વેંચી દેવાનું કૌંભાડ સામે આવ્યું છે. મોટા મવાની ૫ એકર અને ૯ ગુંઠા સરકારી જમીનનાં બોગસ...

મુંબઇમાં નવજાત શિશુઓનું ખરીદ-વેચાણ કરતી ગેંગનો પર્દાફાશ, કુલ ૯ની ધરપકડ

ગેંગમાં ડોક્ટર, નર્સ, લેબ ટેકનિશયન સામેલ ક્રાઇમ બ્રાન્ચ એ મુંબઇમા નવજાત શિશુઓનું ખરીદ-વેચાણ કરવાનો કાળો ધંધો કરતી ગેંગનો...

૨૧મીએ મુખ્યમંત્રી હોમટાઉન જશે અને કોંગ્રેસને આપશે ઝટકો

ફેબ્રુઆરી મહિનામાં ચૂંટણી યોજાવાની સંભાવના સ્થાનિક સ્વરાજ્યની ચૂંટણી પહેલા ભાજપનું મોટુ ઓપરેશન પાર પાડવા ખુદ સીએમ રૂપાણી હોમટાઉન...

Recent Comments

× Get Now Free E-Newspaper.